၈၈မျိုးဆက် ကိုဌေးကြွယ်နဲ့ စကားစမြည်
မိုးမခ၊ မတ် ၁၆၊ ၂၀၁၃
မတ်လ ၁၃ ရက်နေ့က ဥရောပခရီးစဉ်ကနေ ကိုဌေးကြွယ် အမေရိကန်ပြည်ထောင်စုကို ရောက်ရှိလာခဲ့ပြီ ဖြစ်ပါတယ်။ လွန်ခဲ့တဲ့ ၂၅ နှစ်က ၈၈မတ်လ ကျောင်းသားအရေးအခင်းကာလမှာ လက်တွဲလုပ်ခဲ့ကြတဲ့ မိတ်ဆွေဟောင်းတွေသာမက မြန်မာ့ဒီမုိုကရေစီရေး နိုးကြားလှုပ်ရှားသူ မြန်မာမျိုးဆက်ဟောင်း၊ မျိုးဆက်သစ်တွေက ၀ိုင်းဝန်းကြိုဆိုကြပြီး မိတ်ဆုံဆွေးနွေးပွဲတွေ စကားဝုိုင်းတွေ စီစဉ်ကြဖို့ ပြင်ဆင်နေကြပါတယ်။
လက်ရှိ ၀ါရှင်တန်ဒီစီကို ရောက်ရှိနေခိုက် သတင်းဌာနများက တွေ့ဆုံမေးမြန်းနေကြတာမို့ မိုးမခကလည်း ရရှိတဲ့အချိန်အနည်းငယ်အတွင်းမှာ ကိုဌေးကြွယ်ကို မိတ်ဆက်ပြီး စကားစမြည် အနည်းငယ် ပြောဆိုခွင့် ရရှိခဲ့ပါတယ်။
လာမယ့် မတ် ၁၆ မှာ ရန်ကုန်တက္ကသိုလ် အင်ယားကန်ဘောင်ပေါ်မှာ လုံထိန်းများလက်ချက်နဲ့ ကျောင်းသား ကျောင်းသူများ သွေးမြေကျခဲ့ရတဲ့ ၂၅ နှစ်မြောက် တံတားနီနေ့ဖြစ်တဲ့အားလျော်စွာ မေရီလန်း၊ မင်္ဂလာရာမကျောင်းမှာ တံတားနီနေ့ ဆွမ်းသွတ်ခြင်းနှင့် အောက်မေ့ဘွယ်အခမ်းအနားကို ကျင်းပမှာဖြစ်ပါတယ်။ အဲသည်တုန်းက မတ်အရေးအခင်းမှာ ဖမ်းဆီးနှိမ်နင်းခြင်း ခံခဲ့ရတဲ့ ကျောင်းသားတွေဟာ ထောင်တွင်းမှာ (၀မ်းဖိုးဝမ်း) အမည်နဲ့ တော်လှန်တဲ့ကျောင်းသားအစုအဖွဲ့လေး ဖွဲ့ပြီး ကျောချင်းကပ်ခဲ့ကြပါတယ်။ အဲသည်ကနေ ပြန်လည်လွတ်မြောက်လာပြီးတဲ့နောက် မတ်လမှသည် ဇွန်လအရေးအခင်း၊ နောက် တပြည်လုံးအတိုင်းအတာနဲ့ ပေါ်ထွန်းလာတဲ့ သြဂုတ်လ ၈လေးလုံးအရေးတော်ပုံကြီးအဖြစ် ဆက်လက်ပြီး လက်တွဲလို့ တိုက်ပွဲဝင်ခဲ့ကြတဲ့ ၀မ်းဖိုးဝမ်း (၁၄၁) အဖွဲ့က အဝေးရောက်နေတဲ့ ကျောင်းသားဟောင်းတွေနဲ့ ကိုဌေးကြွယ်တို့ အမေရိကန်ပြည်မှာ ပြန်လည်ဆုံတွေ့ကြမယ့် အခမ်းအနားလည်း ဖြစ်တာမို့ ထူးခြားတယ်လို့ ဆိုနိုင်ပါတယ်။
ကိုဌေးကြွယ်က ပြောကြားရာမှာ ဥရောပခရီးစဉ်မှာ လူ့အခွင့်အရေးအဖွဲ့များ၊ ကုလသမဂ္ဂဆိုင်ရာ အစည်းအဝေးများကို တက်ရောက်ခြင်း၊ ဆွေးနွေးခြင်း၊ သဘောထားထုတ်ဖော်ခြင်းတို့ ဆောင်ရွက်ခဲ့တဲ့အကြောင်း၊ မြန်မာပြည်မှာ ပြုပြင်ပြောင်းလဲမှုတွေ ဆောင်ရွက်နေတယ်ဆိုသော်လည်း အပေါ်ပိုင်းမဟုတ်တဲ့ အောက်ခြေပိုင်း၊ နယ်စပ်ဒေသ၊ အလှမ်းဝေးတဲ့ ဒေသတွေမှာ တရားဥပဒေစိုးမိုးမှု၊ အားနည်းတာတွေ၊ လူ့အခွင့်အရေး ချိုးဖောက်ခံရတာတွေ ရှိနေတဲ့အကြောင်း၊ နိုင်ငံရေးအကျဉ်းသားများ လွတ်မြောက်ရေး ပြီးပြတ်အောင် ဆောင်ရွက်ရေးစတဲ့ အရေးများ ရှိကြောင်း၊ သည့်အတွက် ပြည်တွင်း ပြည်ပက မြန်မာတွေသာမက နိုင်ငံတကာက ကုလနဲ့ အဖွဲ့အစည်းများ၊ အစုိုးရများက မျက်ခြေမပျက် ဆက်လက်ဆောင်ရွက်နေဖို့ လိုတဲ့အကြောင်း တိုက်တွန်းနှိုးဆော်ခဲ့တယ်၊ သဘောထားထုတ်ဖော်ခဲ့တယ်လို့ ရှင်းပြပါတယ်။
လက်ရှိမှာ မြန်မာပြည်တွင်း နေရာဒေသအနှံ့အပြားမှာ တရားမျှတမှု၊ လွတ်လပ်မှုတွေ ရှိဖို့၊ ပွင့်လင်းမြင်သာမှုအပြင် အားလုံးအတူတကွ ပူးပေါင်းဆောင်ရွက်မှုတွေ ပေါ်ထွန်းစေဖို့အတွက် လှုပ်ရှားနေကြတာဖြစ်တဲ့အကြောင်းပြောပြပါတယ်။ အဲသည်ရဲ့ လိုအပ်ချက်တွေ အများအပြားရှိတဲ့နေရာမှာ ပြည်ပရောက်တွေ၊ နယ်စပ်ဒေသက ဒုက္ခသည်တွေ၊ နိုင်ငံရေးအကျဉ်းသားတွေ၊ တိုင်းရင်းသားပြည်သူတွေအားလုံး မိသားစုတွေနဲ့ ခြွင်းချက်မဲ့ ပေါင်းစည်းနိုင်ရေး၊ မြန်မာ့ဒီမုိုကရေစီအရေးတော်ပုံရဲ့ အဖြစ်အပျက်မှတ်တမ်းများ ပြုစုထုတ်ပြန်နိုင်ရေးကလည်း အခမ်းကဏ္ဍတခုဖြစ်တယ်လို့ ဆိုပါတယ်။ နောက်ကြောင်းပြန်လှည့်ပြီး အရေးယူတာထက် သမိုင်းဖြစ်ရပ်မှန်တွေကို သင်ခန်းစာယူနုိုင်ဖို့၊ အနာဂတ်မှာ ရှောင်ရှားနိုင်ဖို့အတွက် အဖြစ်အတိုင်း အရှိအတိုင်း ရင်ဆိုင်ကြဖို့လည်း လိုအပ်ချက် တခုဖြစ်တယ်လို့လည်း ပြောကြားလိုက်ပါတယ်။
မြန်မာပြည်မှာ တရားမျှတမှု၊ ဥပဒေစုိုးမိုးမှုတို့ ပွင့်လင်းမြင်သာမှုတို့၊ အားလုံးပါဝင်ပတ်သက်နိုင်မှုတို့ ပြောနေချိန်မှာ လွန်ခဲ့တဲ့ ရက်အနည်းငယ်က ထွက်ပေါ်လာတဲ့ လက်ပတောင်းတောင်အစီရင်ခံစာပေါ် အခြေခံပြီး အများပြည်သူကြားထဲမှာ မတူကွဲပြားတဲ့သဘောထားတွေ အပြန်အလှန်ဖြစ်ပေါ်နေတာနဲ့ ပတ်သက်ပြီးလည်း မေးမြန်းဖြစ်ခဲ့ပါတယ်။ ကိုဌေးကြွယ်ကတော့ လက်ပတောင်းအရေး ကော်မရှင်က တတ်နိုင်သလောက် ဆောင်ရွက်တယ်၊ ထုတ်ပြန်တယ်။ တကယ်တမ်းမှာကတော့ သည်စီမံကိန်းကို စတင်ခဲ့သူတွေ၊ ကာယကံရှင်တွေရဲ့ သက်ဆိုင်ရာတွေရဲ့ တာဝန်ခံမှုတွေ၊ တာဝန်ယူမှုတွေ ဘယ်လိုဖော်ဆောင်လာမလဲဆိုတာက အဓိကဖြစ်တယ်လို့ ပြောပါတယ်။
လာမည့် မနက်ဖြန်မှာ ကိုဌေးကြွယ်ကိုယ်တိုင် ရင်ဆိုင်ဖြတ်သန်းခဲ့တဲ့ တံတားနီနေ့ ၂၅ နှစ်ပြည့် ဖြစ်ပါတယ်။ အဲသည်နှစ်ပတ်လည်မှာ အမေရိကန်ပြည်မှာ ကွဲကွာနေတဲ့ မိတ်ဆွေ ကျောင်းသားဟောင်းတွေနဲ့ ပြန်လည်တွေ့ဆုံပြီး အောက်မေ့ဖွယ် အခမ်းအနားကို တက်ရောက်ဖို့ စီစဉ်ထားချိန်မှာ ဘယ်လိုမျိုး ပြန်ပြောင်းတွေးမိသလဲလို့လည်း မေးမြန်းခဲ့ပါတယ်။ ကိုဌေးကြွယ်က ပြောကြားရာမှာ ၂၅ နှစ်တလျောက်လုံးမှာ ကျောင်းသားပြည်သူတွေ၊ တိုင်းရင်းသားမိသားစုတွေ အများအပြားဟာ အသက် အိုးအိမ် မိဘ သားသမီး စွန့်လွှတ် ဆုံးရှုံးခံပြီး ဒီမုိုကရေစီအရေးအတွက် တိုက်ပွဲဝင်ခဲ့ကြတယ်။ အခုချိန်မှာလည်း မြန်မာပြည်ဟာ ဒီမိုကရေစီအရေးအတွက် ပြုပြင်ပြောင်းလဲမှု အလားအလာကို ရောက်ရှိနေပြီလို့ ဆိုသော်လည်း အမျိုးသားပြန်လည်သင့်မြတ်ရေးနဲ့ ပြန်လည်ထူထောင်ရေးအတွက် စိန်ခေါ်မှုတွေကို အားလုံးက အတူတကွ ဆက်လက်ရင်ဆိုင်ကြရဦးမှာ ဖြစ်တယ်လို့ ပြောကြားပါတယ်။
၈၈ မျိုးဆက် ကျောင်းသားခေါင်းဆောင်တဦး၊ နိုင်ငံရေးအကျဉ်းသားဟောင်းတဦးဖြစ်တဲ့ ကိုဌေးကြွယ်ဟာ ၁၉၈၈ မတ်လ ကျောင်းသားအရေးအခင်းက စတင်လို့ တရားမျှတမှု၊ လွတ်လပ်မှု၊ ပွင့်လင်းမြင်သာမှုတွေအတွက် တိုက်ပွဲဝင်ခဲ့တယ်။ ၂၀၀၄ ခုနှစ်နောက်ပိုင်း အကျဉ်းထောင်က လွတ်မြောက်လာပြီးနောက်ပိုင်း ၂၀၀၇ ရွှေဝါရောင်အရေးတော်ပုံမှာလည်း မြန်မာပြည်အရေးအတွက် မတွန့်မဆုတ် ရပ်တည်ခဲ့တာ နောက်တကြိမ် ဖမ်းဆီးထောင်ချခံခဲ့ရတဲ့အထိပါပဲ။ ခုချိန်မှာလည်း ဒီမိုကရေစီရေးအတွက် ဆက်လက် လှုပ်ရှားဆောင်ရွက်နေဆဲပဲ ဖြစ်တာကြောင့် အဲသည်ဖြတ်သန်းမှုတလျောက်လုံးနဲ့ အခုလက်ရှိအချိန်မှာ အခြေအနေမှာ ဘာတွေ ထူးခြားတာ ပြောင်းလဲတာတွေ ရှိသလဲလို့ မေးမြန်းခဲ့ပါသေးတယ်။
၈၈ အရေးတော်ပုံတုန်းက တရားဥပဒေ စိုးမိုးမှုမရှိလို့၊ မဆလတပါတီစနစ်ရဲ့ မတရားမှုတွေကို တွန်းလှန်ဖို့ တိုက်ပွဲဝင်ခဲ့ကြရတယ်။ အဲသည်တုန်းကလည်း တရားမျှတမှုရှိဖို့၊ လွတ်လပ်မှု အာမခံချက်ရှိဖို့၊ ပွင့်လင်းမြင်သာမှုတွေအတွက် ဒီမုိုကရေစီရေးအတွက် တောင်းဆိုတိုက်ပွဲ ၀င်ခဲ့ကြတယ်။ အဲသည်နောက် မြန်မာပြည်ရဲ့ ဒီမိုကရေစီသမိုင်းမှာ ထင်ရှားတဲ့ ရွှေဝါရောင်အရေးတော်ပုံမှာလည်း အထက်ပါ အချက်အလက်တွေအတွက် ဆက်လက် တောင်းဆိုရ၊ တိုက်ပွဲဝင်ခဲ့ရတာ ဖြစ်တယ်။ အဲသည်မှာ မြန်မာပြည်အရေး အားလုံး ပါဝင်ဆောင်ရွက်ခွင့်ရဖို့၊ အမျိုးသားပြန်လည်သင့်မြတ်ရေးတို့အတွက်ပါ တောင်းဆိုခဲ့ကြရတယ်။ ဖမ်းဆီး နှိမ်နင်းမှုတွေကို မြန်မာပြည်သားတွေ အားလုံးက ကြံ့ကြံ့ခံရင်ဆိုင်ခဲ့ကြရတာဖြစ်တယ်လို့ သူက ပြန်ပြောင်းပြောပါတယ်။ အခုအချိန်မှာလည်း အထက်ပါ အချက်အလက်များ အခြေအနေများနဲ့ ဒီမိုကရေစီခေတ် ပြောင်းနိုင်ဖို့ ဆက်လက်ပြီး ဦးတည် လှုပ်ရှားနေရဆဲဖြစ်တယ်။ ဒါပေမယ့် ယခုအချိန်မှာတော့ဖြင့် မြန်မာပြည်ဟာ ဒီမိုကရေစီခေတ်ကို ပြောင်းလဲဖို့ အချိန်ကျနေပြီ။ အချိန်ဟာ အိမ်နီးချင်းတွေနဲ့ ယှဉ်ရင် အချိန်ဟာ နောက်တောင် ကျနေပြီ။ အဲသည်အတွက် တိုင်းသူပြည်သားတွေ အားလုံးပါဝင်ပြီး အမျိုးသားပြန်လည် သင့်မြတ်ရေးသာမက တိုင်းပြည်ကို အစွမ်းကုန် ပြန်လည်ထူထောင် တည်ဆောက်ကြရေးအတွက်ပါ အရေးပေါ်နေတဲ့ အချိန်ဖြစ်နေတယ်လို့ သူက ပြောပါတယ်။ သူတို့အနေနဲ့ နှစ်ပေါင်းများစွာ သာမန် ကျောင်းသားလူငယ်များအဖြစ် မကြီးပြင်းခဲ့ကြရဘူး၊ ရုန်းကန် တိုက်ပွဲဝင်ခဲ့ကြရတယ်။ အဲသည်အတွက် တိုင်းပြည် ပြုပြင်ပြောင်းလဲရေးအတွက် မျိုးဆက်သစ်တွေကို လက်ဆင့်ကမ်းကြဖို့ အချိန်ဖြစ်တယ်လို့လည်း သူ့ခံစားချက်ကို ပြောပါတယ်။
ကိုဌေးကြွယ်တို့ မျိူးဆက်တွေအနေနဲ့ ခေတ်အဆက်ဆက်မှာ နောက်မဆုတ်ဘဲ တိုက်ပွဲဝင်ခဲ့ကြတယ်။ အဲသည်လုိုပဲ လိုအပ်လာရင်လည်း မဆုတ်မနစ် ရုန်းကန်ဖို့ ၀န်မလေးဘူး။ သို့သော်လည်း အခုအချိန်မှာတော့ဖြင့် မျိုးဆက်သစ်တွေ၊ လက်ရှိအခြေအနေတွေမှာ အမျိုးသားပြန်လည်သင့်မြတ်ရေးနဲ့ အမြန်ဆုံး အတတ်နိုင်ဆုံး ပြုပြင်ပြောင်းလဲ ပြင်ဆင် တည်ဆောက်ရေးတွေ လုပ်နိုင်ဖို့ အချိန်အခါ အခွင့်အရေးအဖြစ် ဖော်ဆောင်ဖြစ်ပေါ်စေချင်တယ်လို့ သူ့ဆန္ဒကို ပြောကြားလိုက်ပါတယ်။
ကိုဌေးကြွယ်ဟာ မတ်လ ၁၆ ရက် မနက်ခင်းမှာ မေရင်လင်း ၊ မင်္ဂလာရာမကျောင်း၊ တံတားနီ ၂၅ နှစ် ဆွမ်းကျွေးနှင့် အောက်မေ့ဖွယ်အခမ်းအနား၊ ညနေခင်းမှာ ၀ါရှင်တန်မက်ထရို မြန်မာမိသားစုများနဲ့ တွေ့ဆုံပွဲ၊ နောက်တပတ် နယူးယောက်မှာ ၂၂၊ ၂၃ နေ့ရက်တွေမှာ မြန်မာမိသားစုများနဲ့ တွေ့ဆုံပွဲများ တက်ရောက်မှာ ဖြစ်ပါတယ်။ ဆန်ဖရန်စစ္စကို ဘေးဧရိယာ မြန်မာကွန်မြူနီတီနဲ့ မိတ်ဆုံဆွေးနွေးပွဲကိုတော့ မတ် ၂၉ ၊ သောကြာနေ့ညနေခင်းမှာ ဖရီးမောင့်ကွန်မြူနီတီစင်တာမှာ စီစဉ်ထားပါတယ်။ ဆန်ဖရန်က မြန်မာမိသားစုတွေ၊ မိတ်ဆွေဟောင်းတွေနဲ့လည်း တွေ့ချင်တယ် ဆုံကြမယ်လို့ ကိုဌေးကြွယ်က ပြောသွားပါတယ်။
(မိုးမခ မှတ်ချက် - တယ်လီဖုံးမှတဆင့် အသံသွင်းအင်တာဗျုး ပြုလုပ်ရတာမို့ အကျဉ်းချုံးပြီး ကောက်နုတ်တင်ပြလိုက်တာဖြစ်ပါတယ်။ ကိုဌေးကြွယ်နဲ့ တွေ့ဆုံပွဲတွေမှာ သူ့အာဘော်အတိုင်း နားထောင်ရမှာ ဖြစ်ပါတယ်)
Comments